Matri di me matri e di me patri,
di li ricchi e di li puureddi.
Sicilia ranni. Sicilia maistusa
china d'amuri, magnianima e fucusa;
'ccu li to valli assulati e surridenti,
tu duni pani; a tanta brava genti.
Omini forti, sinceri e valurusi;
animi nobili, du traagghiu rispittusi.
Lu to ciauru si senti di luntanu,
e di luntanu s'apprizza lu to vinu.
Lu mari ca t'abbrazza, è riccu e funnu,
'nvidiatu viramenti di lu munnu.
Partii luntanu cumannatu di la sorti,
ma 'nto me cori lu disideriu è forti.
Passari 'nzoccu arresta da me vita,
'ntra li to vrazza ... Sicilia terra mia ...
Sicilia amata ...
Gianni Farruggio
Nessun commento:
Posta un commento