Caru Pippineddu, figghiu miu
avi quasi vint'anni c'un ti viu
lu mè cori pi ttia tantu brama:
l'arma sta mpena quannu ama.
La matri, sugnu junta vicchiaredda
l'occhi parinu funtanedda,
sacciu chi facisti gran furtuna
satannu sciuma e puru li vadduna.
Mi mannasti lu grammofunu
e li sordi, ti ringraziu
la vuci tò si spanni a Munti Cofanu
si carma ntra lu cori lu mè straziu.
Ma sì luntanu e abbentu iu nunn'aiu
nchiesa vannu a Diu li prieri
di scansariti saluti d'ogni guaiu
e si càriri ài,di fallu sempri mperi.
Quannu la sira mi vaiu a curcari,
strisciu la to foto a lu mè pettu
dicennu a ttia li ducizzi rari
comu quannu ti curcava ntò me lettu
e preu lu Signuri e puru a ttia
di viriti prima di la morti misa.
CLOROFILLA CARMELINA
Nessun commento:
Posta un commento