La terra vugghi
di caluri e ciàvuru
d'ervi sarvaggi,
di spicuzzi d'oru.
Li picuricchi
belanu luntanu,
lu campaneddu trema
e ci fà coru.
Cardi spicati
'mmezzu li caiuna
hannu pilusci
di sita viola.
Passa 'nna scarpa
'nta la terra fina,
ci lassa lu signali
di la sola.
Ci lassa lu signali
di l'amuri.
Ci lassa lu signali
e lu suduri.
Ascusi c'è rusari
tra li ddisi.
buttuna d'ervi
virdi 'ncatinati.
Lu 'mpignu dici :
a la maisi e:
l'arvuli affacciati.
Lu gloria Patri
tutti li canniti.
La Litania
li fogghi sbintuliati.
A la scurata
l'apuni firria,
cogghi prieri
e li porta a Maria.
MARIA FAVUZZA
Nessun commento:
Posta un commento