La scupa, chi ramazza anchi chiamamu,
Servi pi fari bona pulizzia.
Mentri chi cu li manu nui la usamu,
Idda sgràscia e ni leva ogni lurdia.
La scupa tutti quanti l'apprizzamu,
Chi spazza la cchiù tinta fitinzia.
Si veru giusta nui la valutamu,
'N casa la scupa è bona cumpagnia.
La scupa ci vurrissi, in certi agnuni,
Pri certi "animali" chi 'ntanati stannu,
Pigghannu "bustareddi" a l'ammucciuni.
Pri quantu cosi illeciti si fannu,
A Roma, a la Regioni e a la Cumuni,
La scupa ci vurrissi tuttu l'annu.
GIACOMO RISICO
Nessun commento:
Posta un commento