Già sona la campana, ogni matina.
Lu suli adaciu adaciu s'arruspigghia.
'N campagna già si squagghia l'acquazzina;
'N paisi c'è cu dormi e c'è cu' vigghia.
La munachedda è ddà 'ntra la batia.
Chi prega cu gran fidi e 'un si siddia.
E prega a lu Signuri e s'arricria.
Povira, casta e santa, sempri spera.
All'occhi di lu munnu è 'na pazzia,
Ma pi idda 'ssa strata è chidda vera.
E 'ntra li quattru mura 'n paci sta.
Cu sta cu Diu, campa 'n libirtà.
Francisca, Maria, Stella e Catarina.
Chi dicistivu "si" a lu Signuri.
Facistivu 'na scerta saggia e fina,
La paci la sazziati a tutti l'uri.
La vostra vita è veru sacramentu,
Chi lu munnu manteni ogni mumentu.
Sebastiano Benenati
Nessun commento:
Posta un commento