Ah! siddu chi parrassiru 'sti ciuri,
tra iddi stessi savissiru a diri:
--Criscemu senza affetti e senza amuri,
-- dunni chi nuddu ni pensa e ni viri.
--Campamu a stentu a 'stu munnu d'erruri,
--arsi di siti ni tocca muriri
--e lu nostru distinu tradituri
--d'arrassu ni talia e si ni ridi!
Ci sunnu gigghi dintra li jardini
chi su' tutti li jorna abbivirati
li rosi chi su' nati di li spini
cu massimu rispettu su trattati,
ma tardu o prestu poi fannu la fini
di chiddi chi di nuddu su taliati.
Nino Fontana
Nessun commento:
Posta un commento