L'uffici chini su' tutti di genti,
chi li sordi si pigghianu arrubbati,
picchì sunnu 'nsignati a fari nenti
e dicinu chi su' tutti sudati.
Rispettanu l'orariu esattamenti,
s'annoianu si sunnu disturbati,
li mettinu a la porta sull'attenti,
a chiddi chi nun su' raccumannati.
'Sta liggi troppu storta a mia mi pari
e ci vulissi un mezzu pi canciari,
ma cu' cumanna mi lha cunfirmatu,
chi cu' travagghia veni disprizzatu.
Fontana Antonino
Nessun commento:
Posta un commento